KUŞADASI EFES RUM METROPOLİTLİĞİ





Arzuhal kullarıdır ki ,

Patrikliğe dâhil Kuşadası ve tevâbii metropolidi Samoil nâm rahibin yedine îtâ buyurulan berât-ı âlişân şurûtunda kadimden tasarruflarında olan kilise ve manastırların bîlâ emr-u şerif kimesne ellerinden olmayıp ve bîlâ emr-u şerif kilise ve manastırları teftiş olunmamak hususu musarrah olup iltizâmında (silik) rum reâyâ fukarasının âyinleri icrâ zımnında metropolid-i mersum tarafından nısb ve ta’yin eylediği Aydın piskoposu Londipos nâm rahib kullarının iltizâmı dâhilinde vâkî Aydın sancağına tâbî Karapınar kazâsında kâin Aya Postolok dimekle mâruf bir bâb kilise kimesneden müdahale iktizâ etmez iken bazı ….. ve sâirleri sizler kilisenizi tâmir etmemişsiniz deyu bahane ve bahane-i sâire ile bîla ferman buyuruldu ve mürsele ile kilisenizi teftiş ederiz deyu tabiyyet birle hilâf-ı şurût-ı berât-ı âlişân müdahale ve ta’dirat hâlî olmadıklarından nâşî merâhim-i aliyyelerinden mercûdur ki şurût-ı berât-ı âlişân kaydı der-kenâr ve manzur-ı devletleri buyuruldukda o mâkule mesfurların hilâf-ı şurût-ı berât vâkî olan müdahale ve kastları men ve def olunmasını hâvî bir kıt’a fermân ihsân buyurulmak bâbında emr-u ferman devletlü inâyetlü sultanım hazretlerinindir.

24 Şaban 1212 / 11 Şubat 1798

Kaynakça : Devlet Arşivleri BOA C.ADL.0106 06361 001 001